Mahmoud Al-Hussary ni msomaji maarufu wa Qur’ani. Alizaliwa katika kijiji kiitwacho Shubra Al-Namlah huko Tanta, Misri.Mahmoud aliingia Shule ya Qur’ani akiwa na umri wa miaka minne. Akiwa na miaka minane tayari alikuwa amekariri Qur’ani yote, na akiwa na miaka kumi na miwili alijifunza qira’a kumi za Qura’ni kutoka Al-Azhar mnamo 1958.Mahmoud Khalil Al-Hussary alisoma Qur’ani kwa mara ya kwanza katika msikiti wa kijiji chake. Mwaka 1944, aliingia kituo rasmi cha redio kama msomaji na akafanya usomaji wake wa kwanza tarehe 16 Februari 1944. Mnamo Agosti 7, 1948, aliteuliwa kuwa Muadhini wa Msikiti wa Sidi Hamzah na baadaye kuwa msomaji katika msikiti huo huo. Alikuwa pia anasimamia vituo vya usomaji wa Qur’ani katika Mkoa wa Al Gharbia.Mwaka 1949, Mahmoud Al-Hussary aliteuliwa kuwa msomaji wa Sidi Ahmed Al-Badawi wa Msikiti wa Al-Ahmadi huko Tanta na kisha wa Msikiti wa Al-Imam Al-Hussein mjini Cairo ifikapo 1955.Katika safari yake yote, Sheikh Mahmoud alipata medali na nishani mbalimbali na kuheshimiwa na nchi nyingi za Kiislamu na za kigeni alizozitembelea. Alitunukiwa heshima maalum na viongozi, wafalme, na marais. Alipokea Nishani ya Heshima ya Sayansi na Sanaa kutoka kwa rais Jamal Abd al-Nasir mwaka 1967 na alichaguliwa kuwa rais wa shirikisho la dunia la wasomaji wa Qur’ani. Alipata fursa ya kusoma Qur'ani mbele ya Bunge la Marekani na Umoja wa Mataifa. Kupitia yeye, Allah aliwaongoza makumi ya watu katika safari zake nje ya nchi. Alibaki, hadi mwisho wa maisha yake, mtafiti, mwandishi, mfikiriaji, na bila shaka mmoja wa watu mashuhuri wakubwa nchini Misri na katika ulimwengu wa Waarabu Waislamu.

Mahmoud Khalil Al-Husary